U Guzzetta comu spiecchiu ri Paliermu
A nuostra scuola ca si truova a piazza Guzzetta e' chiu'
viecchia ra a puddara.
Sulu sulu taliannula i fuora vieni i chianciri; a matina
oltri a truvari i picciuotti ca aspiettanu i trasiri, pi
cumpagnia ni ritruvamu una muntagna ri munnizza
accatastata agnuni.
Telefonando all'amia, ovvero associazione munnizza
iccata agnuni, ni ricinu ca a matina sa scuordanu a
pigghialla e nuatri allura ni l'amu assuppari pi misi.
Cu tutta a munnizza ca c'e' si ci putissi arredari una
casa. Siemu i sturienti chiu' nmiriati ra Sicilia e ri
tuttu u cuntinienti , nuddu all'infuora ri nuatri si
ritruova ravanzi a scuola frigoriferi, cucini, stanzi i
liettu, pissiani, puorti, divani, sieggi, riti ri
matarazza, scaldacqua, lavabiancherie... unn'nammanca
nienti c'e' di tutto.
Appiena si trasi rintaviennu i svinimienti, sulu sulu pu
u friddu. Caminannu pi corridoi ni capita ri incucciari
pinguini, orsi polari, renne e a tiempu ri natali capita
ri viriri puru babbu natali chi i nani. Ch'u pruvulazzu
si ci puonnu fari i castelli. Comunque sta scuola pari
un malasienu, n' ammancanu sulu i aggi cu l' acieddi e i
vutti p'ù vinu, puoi si ci puo' trovare di tutto.
Spieru ca attraversu stu articulu smuovu i cuscienzi ri
i netturbini : macari u pruvulazzu nu tiniemu ma a
munnizza ravanzi u Guzzetta na livassiru!
Cottone Francesco e Terranova Anastasia V H
SOMMARIO DEL 2°NUMERO
