‘NA MATINATA

‘Na matinata i vìenneri, m’arricampu a scuola e biu ‘na fudda ravanzi u puirtuni. Circannu ri capiri, scuopru ca qualchi carusu misi un catinazzu pì chiuiri a scuola.
A professoressa Cantuni, cu tutti i capiddi pì l’aria, mi chiamò a curtu: “Cuttuni, n’ì pì casu ti ritrovi ‘na trunchissa na a machina?” io c’arrispunnivu: “ca macari lei mi pigghiò pi firraru? E’ bieru ca un puoirtu mai u materiale r’a scuola, ma anche è bieru ca un puozzu puirtarimi i fierri r’u firraru!”.
All’ultimata si rassegnò e aspittava a misericordia r’u Signuruzzu ca rapieva u catinazzu.
Na ‘stu mientri, mienzu a fudda, ‘na picciotta a chi era a gritta a chi a vitti in tierra! Ci fu u curri curri: “Mischina, mischina! Chi ci succiriu? Maria ‘mmaculata, comu sta? Chiamati i duttura!”
A professoressa Cantuni, siempri ca a tiesta o catinazzu, si chiamò u biriellu, u signò Di Miceli: “Giuvà, ca macari issi da ‘nfaccio nè e mastri e biri si si ritruovanu una trunchissa”.
U Di Miceli curri ca a cura ‘nmenzu i ammi e bà a cierca u fierru. S’arricampa ruoppu un quairtu r’ura cu un mastru ca pareva nisciutu r’a galiera, capiddi luogni, stecchinu ‘n mucca… Assumigghiava o scassinaturi ri pagghiareddi.
Chistu appena arriva rici: “Ci piensu io!” e niesci un tinagghiuni ca si si mittieva a gritta era quantu e mia. I picciuotti, ‘ncazzati picchì stavano rapiennu a scuola, facievanu buirdiellu.
A fini u mastru rapìu u puirtuni e tutti àppiru a trasiri, comu tanti picuruna.
Trasiennu, io m’innivu subitu in classe a scrivere ‘stu bieddu articolo.

REDAZIONE: Trinca di Maiale
Cottone Francesco, Gracolici Marco, Terranova Anastasia

SOMMARIO DEL 1°NUMERO 

Editoriale	p. 1
Intervista al Dirigente Scolastico Gambino	p.2
Cultura e spettacoli Il concerto Scusa ma ti voglio sposare I Manga	p. 3
Tendenze giovanili Moda Facebook Tendenze... di moda giovanile	p. 4
Politica e scuola La scuola di Maria Stella : in corsa verso l'UE Concorso : l'ambiente, due città a confronto Un atto vandalico impedisce l’ingresso al     “Guzzetta”	p. 5
Cronaca Materie della maturità 2010 La violenza Piazza Pretoria	p. 6
Sport La Pallamano Il taekwando La ginnastica ritmica	p. 7
Scrittura creativa Era una serata tranquilla Ero lì Fuga dal Vesuvio L'angolo della poesia :                                    Ricordi                                    Scende la sera	p. 8
Posta del Margherita Marzo : cammino per la Pasqua 'Na matìna A simàna tuoirta U mairterì	p. 9